Tyagaraja Kriti

பொருள் - சுருக்கம்

இராமா! மா மணாளா!

உள்ளத்தினில் உணர்ந்து, ராகம், லயம் ஆகியவற்றினை பஜிக்கும், தியாகராசனால் போற்றப் பெற்றோனே!

அனைத்து மறைகளும் சார்ந்திருக்கும் இசையின் அறிவெனும் பேரானந்தக் கடலினில் நீந்தாத உடல் புவிக்குச் சுமையே;
உள்ளத்தினில் உணர்ந்து, ராகம், லயம் ஆகியவற்றினை பஜிக்கும், ஆனந்தக் கடலினில் நீந்தாத உடல் புவிக்குச் சுமையே;

விசுவநாதன், இலக்குமி மணாளன், பிரமன் ஆகியோரும் (மற்ற) புனித மூர்த்திகளும் (இசையினை) வழிபட்டனரன்றோ!

பதம் பிரித்தல் - பொருள்
பல்லவி
ஆனந்த₃/ ஸாக₃ரமு/-ஈத₃னி/ தே₃ஹமு/
ஆனந்த/ கடலினில்/ நீந்தாத/ உடல்/

பூ₄/ பா₄ரமு/ ராம/ ப்₃ரஹ்ம-(ஆனந்த₃)/
புவிக்கு/ சுமையே/ இராமா/ பேரானந்த.../

அனுபல்லவி
ஸ்ரீ/ நாயக/-அகி₂ல/ நைக₃ம/-ஆஸ்₁ரித/
மா/ மணாளா/ அனைத்து/ மறைகளும்/ சார்ந்திருக்கும்/

ஸங்கீ₃த/ ஞானமு/-அனு/ ப்₃ரஹ்ம-(ஆனந்த₃)/
இசையின்/ அறிவு/ எனும்/ பேரானந்த.../

சரணம்
ஸ்ரீ விஸ்₁வ நாத₂/ ஸ்ரீ/ காந்த/ விது₄லு/
ஸ்ரீ விசுவநாதன்/ இலக்குமி/ மணாளன்/ பிரமன் (ஆகியோரும்)/

பாவன/ மூர்துலு/-உபாஸிஞ்ச லேதா₃/
(மற்ற) புனித/ மூர்த்திகளும்/ (இசையினை) வழிபட்டனரன்றோ/

பா₄விஞ்சி/ ராக₃/ லய/-ஆது₃ல/
உள்ளத்தினில் உணர்ந்து/ ராகம்/ லயம்/ ஆகியவற்றினை/

ப₄ஜியிஞ்சே/ ஸ்ரீ த்யாக₃ராஜ/ நுத/ (ஆ)
பஜிக்கும்/ ஸ்ரீ தியாகராசனால்/ போற்றப் பெற்றோனே/ ஆனந்த...

குறிப்புக்கள் - (Notes)
வேறுபாடுகள் - (Pathanthara)
¹ - பூ₄ பா₄ரமு - பூ₄மி் பா₄ரமு - பூ₄ பா₄ரமே.
² - விஸ்₁வ நாத₂ - விஸ்₁வ நாதா₂தி₃.
⁴ - ப₄ஜியிஞ்சே - ப₄ஜியிஞ்சு.
Top

மேற்கோள்கள்
² - ஸ்ரீ விஸ்₁வ நாத₂ - காசியில் சிவனின் பெயர்
² - ஸ்ரீ விஸ்₁வ நாத₂ ஸ்ரீ காந்த விது₄லு உபாஸிஞ்ச லேதா₃ - தியாகராஜரின் 'நாதோ₃பாஸன' என்ற பே₃க₃ட₃ ராக கீர்த்தனையில், 'நாதோ₃பாஸனசே ஸ₁ங்கர நாராயண விது₄லு வெலஸிரி' என்கிறார்.
Top

விளக்கம்
³ - ஸ்ரீ காந்த - இலக்குமி மணாளன் - மும்மூர்த்திகளிலொருவரான விஷ்ணு. அனுபல்லவியில் 'ஸ்ரீ நாயக' என்பது மும்மூர்த்திகளுக்கும் தலைவனான பரம்பொருள் நாரணனைக் குறிக்கும். ஆனால், தியாகராஜர் தனது 'நாதோ₃பாஸன' என்ற பே₃க₃ட₃ ராக கீர்த்தனையில், 'ஸ₁ங்கர நாராயண விது₄லு' என்று 'நாராயணனை' மும்மூர்த்திகளில் ஒருவரெனக் கூறுகின்றார்.

⁴ - ப₄ஜியிஞ்சே - பஜிக்கும் - இச்சொல் தியாகராசரைக் குறிப்பதாகவோ அல்லது பல்லவியுடன் இணைத்தோ பொருள் கொள்ளலாம். இரண்டுமே இங்கு கொடுக்கப்பட்டுள்ளன.

புனித மூர்த்திகள் - நாரதர் முதலானோர்
Top

ஆனந்த3 ஸாக3ர - ராகம் க3ருட3 த்4வனி - Ananda sAgara - rAga garuDa dhvani

ஆனந்த₃ ஸாக₃ர - ராகம் க₃ருட₃ த்₄வனி - Ananda sAgara - rAga garuDa dhvani